Институтот има 11 вработени, 8 се вклучени во образованието и истражувачките активности, а 3 се лаборанти. Активностите на Институтот се насочени кон едукација на студентите, научна работа и апликативна дејност со различни страни заинтересирани за оваа област. Образованието и истражувачките активности се поврзани со еколошко и одржливо земјоделство и правилно управување со природните ресурси, особено за: формирање на почвите, нивна генеза, физиологија, еволуција, класификација, морфологија и својства на почвата, микробиологија на почвата, плодност на почвата, исхрана на растенијата и управување со ѓубрива, наводнување на земјоделските култури, правилно управување со водата и користење на современи технологии и техники за наводнување во праксата, капка по капка системи за наводнување и хемигација во земјоделското производство, конзервација на почвата и водата, мелиорации и контрола на ерозијата, дизајнирање, организација и експлоатација на системи за одводнување и наводнување, управување со водите во хидро-мелиоративни системи, загадување на почвите, водата и културите предизвикани од штетните материи, еколошки принципи во земјоделството, климатски промени и мерки за прифаќање во земјоделството, GIS во земјоделството и т.н..

• Катедра за почви
• Катедра за наводнување и заштита од ерозија
• Катедра за екологија и заштита на животната средина
• Катедра за агрохемијa

СТУДИСКИ ПРОГРАМИ

Диплома (8 семестри): Екоземјоделство
Целта на додипломската студиска програма Екоземјоделство е образование засновано на компетенции на експерти потребни за организација на земјоделското производство во согласност со принципите на одржлив развој за што е од суштинско значење соодветно познавање на елементите на агроекосистемот и нивните интеракции со животната средина. Студиската програма се заснова на знаења од природните и биотехничките науки, така што студентите се стекнуваат со знаења и вештини потребни за собирање и толкување на релевантни податоци како и донесување заклучоци за влијанието на земјоделските интервенции врз животната средина, нивната прифатливост и оправданост од аспект на екологијата, производство и економија.

Магистерски студии (2 и 4 семестри): Менаџмент на природни ресурси и животна средина во земјоделството
Магистерски студии (2 и 4 семестри): Менаџмент на природни ресурси животна средина во земјоделството
Студиската програма на постдипломски Менаџмент на природни ресурси и животна средина во земјоделството (со вкупно 6 модули) е прилагодена на барањата на високо специјализирани и флексибилни студии, со акцент на развивање на индивидуалните компетенции што ги бараат сегашните и идните јавни и приватни економски субјекти во оваа земја и странство, како и за независно претприемништво. По завршување, студентите добиваат титула Магистер на замјоделски науки-Менаџмент на природни ресурси и животна средина во земјоделството.

Докторски студии (6 семестри): Управување со природните ресурси и заштита на животната средина во земјоделството