Центар за кариера

Кариерниот центар обезбедува информации што ќе го олеснат изборот на најсоодветна студиска програма за идните генерации студенти, како и информации за условите за студирање и за расположливите капацитети на Факултетот.

Центарот соработува со голем број компании од областа на земјоделството, агробизнисот и производството на храна во нашата држава, во кои студентите можат да ја реализираат стручната пракса. За сите активности на Центарот за кариера студентите можат да добијат информации во канцеларијата на Центарот или на е-пошта kariera@fznh.ukim.edu.mk

• Воспоставување на постојана врска помеѓу Факултетот, студентите и бизнис-секторот
• Информирање на студентите за вршење практична настава и организирање контакти со компании кои ги користат современите техники и технологии во областа на земјоделството и производството на храна
• Олеснување на пристапот на студентите до работодавачите, како и обезбедување информации за можностите за вработување
• Одржување на соработката со студентите кои дипломирале (алумни), како и зајакнување на нивните активности со Центарот и со Факултетот
• Промоција на ФЗНХ пред идните студенти и медиумите и на други настани
• Организирање работилници и семинари за студентите, со цел подобрување на нивните вештини, лични карактеристики, комуникација итн.
• Организирање теренски предавања на отворено, професионални посети на саеми, учество на симпозиуми, конгреси, работилници, средби на различни генерации итн.

Центарот за кариера на ФЗНХ обезбедува кариерно насочување и советување на младите луѓе преку активности кои им овозможуваат на младите да ги идентификуваат сопствените способности и компетенции, потреби, интереси и вредности, да се соочат со реалните можности и понуди на пазарот на трудот, да соберат клучни информации за различни занимања и образование, да пробаат различни работни места, да ги споредат своите желби со знаењето што го стекнале за одредени работни места и во однос на реалните услови, околности и можности на пазарот на трудот да донесат одлука за својата кариера.

Активностите кои се спроведуваат редовно во текот на академската година се однесуваат на:

• Професионална пракса за студенти
• Информации за кариерата
• Одржување средби со претставници на бизнис-заедницата
• Организирање обуки за насочување и советување за кариера и менаџмент на кариера
• Работилници за активно барање работа
• Промоција на Факултетот за земјоделски науки и храна – Скопје
• Промовирање на земјоделската струка и важноста на секторот земјоделство
• Одржување релации со алумни-базата на ФЗНХ
• Едукација на младите во градинките, основните и средните училишта и др.

Повиците, огласите и работилниците на Центарот се објавуваат на Огласната табла.

Во 2022 година, по повод 75 години постоење на Факултетот, „Деновите на кариера“ опфатија пет последователни настани од 12 до 16 декември, меѓу кои работилница „Како да се подготвам за интервју?“ и кариерен ден со саем на кариера во аулата на Факултетот. Во 2023 година се одржаа од 12 до 16 декември.

На 25 март 2024 година, во амфитеатарот бр. 40 на Факултетот, Центарот за кариера на ФЗНХ, во состав на Центарот за кариера на УКИМ, со свечен настан одбележа 10 години од својата работа, периодот 2014–2024.

Центарот ја организира стручната пракса на прв циклус студии. Условите, организацијата, упатството и документите за неа се на страницата „Стручна пракса“.

• Стручна пракса

• kariera@fznh.ukim.edu.mk