ПОВИК  ЗА ВОЛОНТЕРИ   

Канцеларијата на Центарот за кариера на Факултетот за земјоделски науки и храна – Скопје, во состав на Центарот за кариера на УКИМ во Скопје
објавува отворен повик за ангажирање на студенти - волонтери

✨ Дали сте некој што учествувал или започнал волонтерска работа и со тоа придонел за заедницата? Можеби имате идеи кои сакате да се реализираат?

Критериуми за избор:  искуство не е потребно – тука сте за да стекнете искуство
Потребно е да имате желба за нови знаења и искуства, дружење, активно учество во менувањето и подобрувањето на локалната заедница и општеството, лична и професионална надградба, и да бидете спремни за тимска работа.

Пријавете се на This e-mail address is being protected from spam bots, you need JavaScript enabled to view it и станете дел од Центарот за кариера на Факултетот за земјоделски науки и храна – Скопје, најдоцна до 31.10.2025 година.
🔔 По изборот ќе започнеме со распоредување на членовите според потребите на Центарот за кариера за реализација на планираните активности.
💙 Бидете дел од  Центарот за кариера на ФЗНХ и дознајте повеќе за тоа како и кога можете да ги користите услугите што ги нудиме 💙

Центарот за кариера на ФЗНХ обезбедува кариерно насочување и советување на младите луѓе преку активности кои им овозможуваат на младите да ги идентификуваат сопствените способности и компетенции, потреби, интереси и вредности, да се соочат со реалните можности и понуди на пазарот на трудот, да соберат клучни информации за различни занимања и образование, да пробаат различни работни места, да ги споредат своите желби со знаењето што го стекнале за одредени работни места и во однос на реалните услови, околности и можности на пазарот на трудот да донесат одлука за нивната кариера.
Активностите кои се спроведуваат редовно во текот на академската година и се однесуваат на:

• Професионална пракса за студенти
• Информации за кариерата
• Одржување средби со претставници на бизнис заедницата
• Организирање обуки за насочување и советување за кариера и менаџмент на кариера
• Работилници за активно барање работа
• Промоција на Факултетот за земјоделски науки и храна-Скопје
• Промовирање на земјоделската струка и важноста на секторот земјоделство
• Одржување релации со АЛУМНИ базата на ФЗНХ
• Едукација на младите во градинките, основните и средните училишта и др.