Л-01АкредитиранаАнализи за трети лица
Лабораторија за анализа на храна за животни
Анимално производство
Л-02 · Акредитирана лабораторија
Лабораторија за млеко и млечни производи
Лабораторијата за анализа на млеко и млечни производи при Факултетот за земјоделски науки и храна – Скопје, Универзитет „Св. Кирил и Методиј“ во Скопје, е наставна, научноистражувачка и апликативна лабораториска единица наменета за поддршка на наставата, научноистражувачката работа и обезбедување аналитички услуги за надворешни корисници.
- Институт
- Институт за анимална биотехнологија
- Област
- Храна и пијалоци, Анимално производство
Во лабораторијата се реализира практична настава за студентите од прв, втор и трет циклус на студии, при што студентите стекнуваат практични знаења и лабораториски вештини од областа на квалитетот и составот на млекото и млечните производи.
Акредитирани методи
Лабораторијата за анализа на млеко и млечни производи е акредитирана согласно барањата на меѓународниот стандард МКС EN ISO/IEC 17025. Во рамки на акредитираниот опсег се вршат следните анализи:
- МКС EN ISO 8968-1:2014 – Млеко – определување на содржина на азот – Дел 1: Кјелдал метод
- МКС ISO 19662:2024 – Млеко – определување содржина на масти – ацидо-бутирометриска метода (метода по Гербер)
Други лабораториски анализи
Покрај акредитираните методи, во лабораторијата се вршат и други физичко-хемиски анализи на млеко и млечни производи, меѓу кои:
- определување на сува материја
- определување на пепел
- определување на pH
- определување на титрациона киселост
- определување на NaCl во сирења
- определување на специфична тежина
- определување на лактоза
- брза анализа на млеко за определување на протеини, масти, сува безмасна материја, специфична тежина, додадена вода и лактоза
Наставна, научна и апликативна дејност
Лабораторијата се користи за реализација на практична настава, дипломски, магистерски и докторски истражувања, како и за активности во рамки на научноистражувачки и проектни активности.
Аналитички услуги се обезбедуваат и за производители на млеко и млечни производи, фарми, компании од прехранбената индустрија, истражувачки институции и други заинтересирани корисници.
Фотографии
Лабораторија за биологија и селекција на медоносни пчели
Анимално производство
Лабораторија за контрола на месо и производи од месо
Храна и пијалоци, Анимално производство
Лабораторија за биохемија и молекуларна биологија
Генетика и биотехнологија, Анимално производство