Институт за заштита на растенијата и земјоделска техника

Институтот се состои од 4 катедри: Катедра за фитопатологија, Катедра за ентомологија, Катедра за општо поледелство и Катедра за земјоделска техника. Главните активности на вработените во Институтот се едукација на студентите и истражувачка работа, фокусирана на болестите кај растенијата предизвикани од габи, бактерии и вируси, штетите кај растенијата предизвикани од инсекти, паразити и други штетници, плевелите, фитофармацијата, интегралното управување со штетници и биолошката контрола на штетните организми, како и земјоделските машини и нивната експлоатација, процесната технологија, механизацијата во растителното и сточарското производство и хомологацијата на земјоделска техника и опрема за обработка. Институтот се занимава и со долгогодишна апликативна дејност во областа на здравствената состојба на растенијата, биолошката ефикасност на пестициди, обука на земјоделците и тестирање на експлоатациските својства на земјоделските машини и орудија кои се користат во земјоделството.