Л-03I akredituarAnaliza për palë të treta
Лабораторија за испитување на квалитет на семиња од земјоделски растенија
Fara dhe prodhimtaria bimore
Përmbajtja e kësaj faqeje është në gjuhën maqedonase.
Laboratori
Лабораторија за земјоделска механизација
Лабораторијата за земјоделска механизација, покрај својата примарна едукативна и научно-истражувачка дејност, нуди широка палета на професионални апликативни услуги за фармери, фирми и стручни лица од терен.
- Instituti
- Instituti për Mbrojtjen e Bimëve dhe Teknikë Bujqësore
- Fusha
- Земјоделска техника
Услуги
Нејзината долгогодишна експертиза е насочена кон модернизација, зголемување на ефикасноста и заштита во земјоделското производство преку следните услуги:
- Стручни совети и оптимизација – препораки за правилна експлоатација и агрегатирање на погонската и приклучната механизација со цел максимална економичност во работата.
- Безбедност при работа – едукација и мерки за заштита на ракувачите со машини во лозаро-овоштарското, сточарското, градинаро-цвеќарското и полјоделското производство.
- Прецизно земјоделство и дигитализација – обуки за имплементација на современи дигитални уреди и напредни технологии за паметно управување со механизацијата.
- Обуки за заштита на растенија – специјализирани курсеви за правилно користење на машините и опремата за апликација на заштитни средства.
- Хомологација и атестирање – официјално тестирање, хомологација и атестирање на погонски и приклучни машини (вклучително и машини за заштита) во рамките на лабораторијата.
Fotografi
Опрема
Лабораторијата е и вежбална по механизација, опремена со нагледни средства (пресеци на мотори, механизација, земјоделски машини, како и шеми), со кои значително се олеснува наставата по предметите на Катедрата за земјоделска техника. За испитување на експлоатационите карактеристики на погонските и приклучните машини што се користат во различни земјоделски гранки, располага со:
- Шестканален електротензиометар – инструмент за истовремено мерење на различни параметри: хоризонталните и вертикалните сили што влијаат на приклучните машини, потрошувачката на гориво (со сонди), работната температура, моменталната работна брзина и друго.
- Пенетрометар – инструмент за определување на состојбата на почвата (ораничниот слој).
- Влагомер – инструмент за определување на количеството влага во почвата, за квалитетно извршување на одделните работни процеси.
- Фонометар – инструмент за мерење на бучавата на погонските и приклучните машини при работа.
- Сонди – инструменти за мерење на количеството јаглерод моноксид и јаглерод диоксид во издувните гасови на погонските машини.
- Манометри и друга опрема.