Меѓународна соработка и мобилност

На овој начин на студентите им се овозможува развој на компетенциите и тоа во однос на комуникацијата, соработката, креативноста и решавањето проблеми, односно компетенции што се од суштинско значење за правилно функционирање во општество, кое станува сѐ поглобално. Од друга страна, вработените на Факултетот имаат можност преку овие програми да ги надградат своите знаења и вештини на престижни високообразовни универзитети од Европа и светот.

На Универзитетот „Св. Кирил и Методиј“ во Скопје, Факултет за земјоделски науки и храна – Скопје успешно се реализира програмата Erasmus+ на Европската Унија во областа на високото образование, која овозможува соработка и размена на студенти и кадар помеѓу партнерски универзитети во Европа.

Во рамки на програмата Erasmus+, на УКИМ се распишуваат годишни конкурси за реализација на мобилности на студенти и наставен кадар, на високо-образовни и научни институции во Европа, со кои се склучени Erasmus договори за соработка.

• Еразмус+ конкурс за студентски мобилности за летниот семестар во академската 2026/2027 година (се отвора друга страница)
• Erasmus+ на Универзитетот „Св. Кирил и Методиј“ (се отвора друга страница)

Факултетот за земјоделски науки и храна – Скопје дел од три меѓународни CEEPUS мрежи

Факултетот за земјоделски науки и храна – Скопје, при Универзитетот „Св. Кирил и Методиј“ во Скопје, активно учествува во три меѓународни академски мрежи во рамките на програмата CEEPUS (Central European Exchange Programme for University Studies), кои отвораат нови можности за академска мобилност и меѓународна соработка.

Во академската 2026/2027 година, Факултетот е вклучен во следните мрежи:

• HU-0003 – Agriculture and Environment in the 21st Century – @groen
• SI-1817 – Tourism and Agriculture Sustainable Alliances – #TASA
• SI-2023 – Innovative Biosciences for Sustainable Agriculture in Southeast Europe (Umbrella Network)

Преку учеството во овие мрежи, на студентите и наставниот кадар им се отвораат можности за студиски престои, размена на знаења и искуства, наставни и истражувачки активности на партнерски универзитети во земјите од Централна и Источна Европа.

Со ова, Факултетот продолжува да ја зајакнува својата меѓународна соработка, да ја поттикнува академската мобилност и да придонесува кон унапредување на квалитетот на високото образование и научноистражувачката дејност.

Повеќе информации за можностите за мобилност и аплицирање се достапни на официјалната страница на CEEPUS.

Визитинг-професорите се признати научници од странство кои, на покана на Наставно-научниот совет, како гости учествуваат во високообразовната и научноистражувачката дејност на Факултетот. Нивното ангажирање го одобрува Ректорската управа на Универзитетот „Св. Кирил и Методиј“ во Скопје, по предлог на Наставно-научниот совет на Факултетот.

• проф. д-р Hossein Azadi – Универзитет во Лиеж, Белгија
• проф. д-р Андреас Дрихутис – Земјоделски универзитет во Атина, Грција
• проф. д-р Јака Жгајнар – Биотехнички факултет, Универзитет во Љубљана, Словенија
• проф. д-р Мирела Кајкут Зељковиќ – Земјоделски факултет и Институт за генетски ресурси, Универзитет во Бања Лука, Босна и Херцеговина
• проф. д-р Rodolfo M. Nayga Jr. – Универзитет Тексас А&М, САД
• проф. д-р Фотис Пападемас – Универзитет за технологија во Кипар
• проф. д-р Зорица Средојевиќ – Земјоделски факултет, Универзитет во Белград, Србија
• проф. д-р Кирил Д. Христовски – Државен универзитет на Аризона, САД
• проф. д-р Миљан Цветковиќ – Земјоделски факултет, Универзитет во Бања Лука, Босна и Херцеговина

Ангажман по академски години